Sunday, February 17, 2008

إذيك!


هو يعني ايه انك تقول لحد إذيك

يعني هو المفروض يقولك ايه بالظبط

حقيقي مبعرفش أرد بحس انه لو غريب

هقوله ايه ماانا كمان مش عايزه اكدب

ولو قريب أقوله ايه ولا ايه ولاايه ماانا بردو مش عايزه اشيّله همي

وبعدين حكاية كويسة دي مبقتش نافعة لا مع دول ولا مع دول

عشان الفتانين كتير

عينيا ووشى وصوتي وحاجات تانية كتير

كلهم مش بيطاوعوني

لأ دول كمان بيتآمروا عليا واللهي فعلا

حتى ضحكتي بشدها من وشى بالعافية

وبردو بتطلع صفرااااااااااااااااااااااااااااااااااااااااا

ومفقوسااااااااااااااااااااااااااااااااااااااااااااااااااااااااااا

مش عارفة بس انا قررت الفترة الاخيرة

اي حد يقولي اذيك عاملة اية طبعا برد مبدئيا

ب الحمد الله ولو طوّل

بقوله مش فاهمه ايه السؤال بالظبط

شاور على السؤال وانا اجاوب على طول